ఏపీ డీఎస్సీ-2026 - ప్రిన్సిపల్‌, పీజీటీ, టీజీటీ, పీఈటీ, పీడీ పోస్టులు

ఏపీ డీఎస్సీ-2026 - ప్రిన్సిపల్‌, పీజీటీ, టీజీటీ, పీఈటీ, పీడీ పోస్టులు

ఆంధ్రప్రదేశ్ ప్రభుత్వం, పాఠశాల విద్యాశాఖ ఆంధ్రప్రదేశ్ టీచర్ రిక్రూట్‌మెంట్ టెస్ట్ (AP TRT) 2026 డీఎస్సీ నోటిఫికేషన్‌ విడుదల చేసింది. ఈ నోటిఫికేషన్ ద్వారా ఏపీ మోడల్ స్కూల్స్, వెనుకబడిన తరగతుల సంక్షేమ గురుకులాలు, రెసిడెన్షియల్ విద్యాసంస్థలు, సాంఘిక సంక్షేమ గురుకుల విద్యాసంస్థలు, గిరిజన సంక్షేమ గురుకుల (MJPAPBCWREIS, APREIS, APSWREIS, APTWREIS), దివ్యాంగుల సంక్షేమ శాఖ పాఠశాలల్లో ప్రిన్సిపల్స్, పోస్ట్ గ్రాడ్యుయేట్ టీచర్లు (PGTలు), ట్రెయిన్డ్ గ్రాడ్యుయేట్ టీచర్లు (TGTలు), ఫిజికల్ డైరెక్టర్లు (PD), ఫిజికల్ ఎడ్యుకేషన్ టీచర్లు (PET) పోస్టుల భర్తీకి దరఖాస్తులు కోరుతోంది.

మొత్తం పోస్టులు: 260

వివరాలు:

ప్రిన్సిపాల్స్: 30 పోస్టులు

పోస్ట్ గ్రాడ్యుయేట్ టీచర్లు (PGTs): 81

ట్రెయిన్డ్ గ్రాడ్యుయేట్ టీచర్లు (TGTs): 113

ఫిజికల్ డైరెక్టర్లు (PDs): 02

ఫిజికల్ ఎడ్యుకేషన్ టీచర్లు (PETs): 34

అర్హతలు: బోర్డు ఆఫ్ ఇంటర్మీడియట్ ఎడ్యుకేషన్ (ఏపీ లేదా తత్సమాన) సర్టిఫికెట్, యూజీసీ గుర్తింపు పొందిన విశ్వవిద్యాలయాల నుంచి అకడమిక్ డిగ్రీ, అలాగే ఎన్‌సీటీఈ (NCTE) లేదా రిహాబిలిటేషన్ కౌన్సిల్ ఆఫ్ ఇండియా (RCI) గుర్తింపు పొందిన ఉపాధ్యాయ విద్య కోర్సులు కలిగి ఉండాలి. పోస్టులను బట్టి విద్యా, వృత్తిగత, టెట్ (APTET/CTET) అర్హతలు మారుతుంటాయి (ఉదాహరణకు: పీజీటీలు/ప్రిన్సిపాల్స్‌కు పీజీతో పాటు బీఈడీ; టెట్‌లకు డిగ్రీతో పాటు బీఈడీ, పేపర్-II టెట్ అర్హత; ఫిజికల్ ఎడ్యుకేషన్ పోస్టులకు బీపీఈడీ (B.P.Ed/U.G.D.P.Ed ఉండాలి). స్పెషల్ ఎడ్యుకేషన్ పోస్టులకు సీఆర్ఆర్ (CRR) నంబర్‌తో కూడిన ఆర్‌సీఐ రిజిస్ట్రేషన్ తప్పనిసరి.

వయోపరిమితి:

జనరల్/ఓసీ/ఈడబ్ల్యూఎస్‌: 01/07/2026 నాటికి 18 నుంచి 44 సంవత్సరాల మధ్య ఉండాలి.
ఎస్సీ/ఎస్టీ/బీసీలకు గరిష్ట వయోపరిమితి 49 సంవత్సరాల వరకు సడలింపు ఉంది. దివ్యాంగులు 54 సంవత్సరాల వరకు సడలింపు ఉంది. ఎక్స్-సర్వీస్‌మెన్: సాయుధ దళాలలో అందించిన సేవా కాలానికి అదనంగా 3 సంవత్సరాలు కలుపుకొని వయోసడలింపు వర్తిస్తుంది.

ఎంపిక విధానం:

ఎంపిక ప్రక్రియ కంప్యూటర్ ఆధారిత రాత పరీక్ష (CBT), ప్రభుత్వ నిబంధనల ప్రకారం ఉంటుంది.
ప్రిన్సిపాల్స్ & పీజీటీలు (నాన్-లాంగ్వేజెస్): తప్పనిసరి అర్హత పరీక్ష అయిన ఇంగ్లిష్ లాంగ్వేజ్ ప్రొఫిషియన్సీ టెస్ట్ (పేపర్-I, 100 మార్కులు), ఆ తర్వాత ప్రధాన రాత పరీక్ష (పేపర్-II, 100 మార్కులు) ఉంటాయి.
టీజీటీలు: నాన్-లాంగ్వేజెస్ అభ్యర్థులకు ఇంగ్లిష్ ప్రొఫిషియెంట్ టెస్ట్ (పేపర్-I), రాత పరీక్ష (పేపర్-II, 80% వెయిటేజీ)తో పాటు ఏపీటెట్‌/సీటెట్‌ స్కోర్ (20% వెయిటేజీ) ఉంటుంది.
పీడీలు & పీఈటీలు: 100 మార్కులకు కంప్యూటర్ ఆధారిత రాత పరీక్ష (టెట్ లేదా ఇంగ్లిష్ ప్రొఫిషియెన్సీ టెస్ట్ ఉండదు).
స్క్రీనింగ్ టెస్ట్ నిబంధన: ప్రిన్సిపాల్, పీజీటీ, టీజీటీ (నాన్-లాంగ్వేజెస్) పోస్టులకు దరఖాస్తు చేసేవారు ఇంగ్లిష్ ప్రొఫిషియెన్సీ టెస్ట్‌లో అర్హత సాధించడం తప్పనిసరి (ఓసీ, బీసీ, ఈడబ్ల్యూఎస్‌- 60 మార్కులు; ఎస్సీ, ఎస్టీ, పీడబ్ల్యూబీడీ/ఎక్స్-సర్వీస్‌మెన్ - 50 మార్కులు) అర్హత సాధించని వారికి పేపర్-II మూల్యాంకనం చేయబడదు.

దరఖాస్తు ఫీజు: ప్రతి పోస్టుకు రూ.1,000 ఫీజు చెల్లించాలి. అభ్యర్థి ఒకటి కంటే ఎక్కువ పోస్టులకు దరఖాస్తు చేస్తే ప్రతి అదనపు పోస్టుకు వేర్వేరుగా ఫీజు చెల్లించాలి.

దరఖాస్తు విధానం: ఆన్‌లైన్‌ ద్వారా.

దరఖాస్తు ప్రారంభ తేదీ: 11.11.2026

దరఖాస్తు చివరి తేదీ: 30.11.2026

Website:https://tet2dsc.apcfss.in/

Copyright © 2026 Ushodaya Enterprises Pvt Ltd All Rights Reserved

  • Facebook
  • Twitter
  • YouTube
  • Instagram
  • Telegram