ఏపీ టీఆర్టీ/ డీఎస్సీ-2026 జనరల్ పోస్టుల నోటిఫికేషన్

ఏపీ టీఆర్టీ/ డీఎస్సీ-2026 జనరల్ పోస్టుల నోటిఫికేషన్

ఆంధ్రప్రదేశ్ ప్రభుత్వ పాఠశాల విద్యాశాఖ, ఆంధ్రప్రదేశ్ ఉపాధ్యాయ నియామక పరీక్ష (AP TRT) DSC-2026 కోసం నోటిఫికేషన్ విడుదల చేసింది. ఈ నియామకం ద్వారా ప్రభుత్వ, జిల్లా పరిషత్, మండల పరిషత్, మున్సిపాలిటీ, మున్సిపల్ కార్పొరేషన్ పాఠశాలల్లో స్కూల్ అసిస్టెంట్లు (SA), సెకండరీ గ్రేడ్ టీచర్లు (SGT) పోస్టులను భర్తీ చేయనున్నారు. అర్హులైన అభ్యర్థులు నవంబరు 11 నుంచి 30 వరకు ఆన్‌లైన్ ద్వారా దరఖాస్తులు చేసుకోవాలి.

వివరాలు:

మొత్తం ఖాళీలు: 2,111 పోస్టులు (ఎస్‌జీటీ-1205, ఎస్‌ఏ-906)

ప్రభుత్వ/జెడ్‌పీపీ/ఎంపీపీ పోస్టులు: 1,709

మున్సిపాలిటీ, మున్సిపల్ కార్పొరేషన్ పోస్టులు: 402

  • స్కూల్ అసిస్టెంట్ (తెలుగు, హిందీ, ఇంగ్లిష్, కన్నడ, తమిళం, ఒరియా, సంస్కృతం, ఉర్దూ): 110 (55 జనరల్ + 55 మున్సిపల్)

  • స్కూల్ అసిస్టెంట్ (హిందీ): 202 పోస్టులు (158 జనరల్ + 44 మున్సిపల్)

  • స్కూల్ అసిస్టెంట్ (ఇంగ్లిష్): 87 పోస్టులు (54 జనరల్ + 33 మున్సిపల్)

  • స్కూల్ అసిస్టెంట్ (గణితం): 41 పోస్టులు (22 జనరల్ + 19 మున్సిపల్)

  • స్కూల్ అసిస్టెంట్ (ఫిజికల్ సైన్సెస్): 45 పోస్టులు (34 జనరల్ + 11 మున్సిపల్)

  • స్కూల్ అసిస్టెంట్ (బయోలాజికల్ సైన్స్): 151 పోస్టులు (127 జనరల్ + 24 మున్సిపల్)

  • స్కూల్ అసిస్టెంట్ (సోషల్ స్టడీస్): 160 పోస్టులు (126 జనరల్ + 34 మున్సిపల్)

  • స్కూల్ అసిస్టెంట్ (ఫిజికల్ ఎడ్యుకేషన్): 110 పోస్టులు (64 జనరల్ + 46 మున్సిపల్)

  • సెకండరీ గ్రేడ్ టీచర్ (ఎస్‌జీటీ): 1,205 పోస్టులు (1,069 జనరల్ + 136 మున్సిపల్)

అర్హతలు:

అకడమిక్ & ప్రొఫెషనల్ అర్హతలు: అభ్యర్థులు ఇంటర్మీడియట్, డిగ్రీ లేదా పీజీతో పాటు ఎన్‌సీటీఈ/ఆర్‌సీఐ గుర్తింపు పొందిన బీఎడ్‌, డీఈఎల్‌ఎడ్‌(D.El.Ed.) బీఎడ్‌, బీఈడీ(స్పెషల్ ఎడ్యుకేషన్), లేదా బీపీఈడీ(B.P.Ed) కోర్సులను నిర్దేశిత కనీస మార్కులతో (జనరల్ అభ్యర్థులకు 50%, రిజర్వ్‌డ్ వర్గాలకు 40%-45%) కలిగి ఉండాలి.
టెట్ (TET) అర్హత: అభ్యర్థులు సంబంధిత మీడియం/సబ్జెక్ట్‌లో ఆంధ్రప్రదేశ్ ఉపాధ్యాయ అర్హత పరీక్ష (APTET) పేపర్-I/II లేదా సెంట్రల్ టీచర్ ఎలిజిబిలిటీ టెస్ట్ (CTET)లో అర్హత సాధించి ఉండాలి. (స్కూల్ అసిస్టెంట్ - ఫిజికల్ ఎడ్యుకేషన్ పోస్టులకు టెట్ అవసరం లేదు) .

వయోపరిమితి: 01.07.2026 నాటికి 18 నుంచి 44 ఏళ్ల మధ్య ఉండాలి.
ఎస్సీ, ఎస్టీ, బీసీ, ఈడబ్ల్యూఎస్ (EWS) అభ్యర్థులకు గరిష్ట వయోపరిమితి 49 సంవత్సరాలకు, దివ్యాంగులకు (PwBD) 54 సంవత్సరాలకు సడలింపు ఉంటుంది. మాజీ సైనికోద్యోగులకు వారు ఆర్మ్‌డ్ ఫోర్సెస్‌లో అందించిన సేవాకాలం ఆధారంగా అదనంగా మూడు సంవత్సరాలు సడలింపు వర్తిస్తుంది.

ఎంపిక విధానం:

స్కూల్ అసిస్టెంట్లు & ఎస్‌జీటీలకు: మొత్తం 100 మార్కులలో కంప్యూటర్ ఆధారిత రాత పరీక్ష (TRT)కు 80% వెయిటేజీ ఏపీటెట్‌/సీటెట్‌ స్కోర్లకు 20% వెయిటేజీ ఉంటుంది.
స్కూల్ అసిస్టెంట్ (ఫిజికల్ ఎడ్యుకేషన్)కు: కేవలం కంప్యూటర్ ఆధారిత రాత పరీక్ష (CBT) ఆధారంగా మాత్రమే 100 మార్కులకు ఎంపిక జరుగుతుంది.

దరఖాస్తు ఫీజు: దరఖాస్తు చేసుకునే ప్రతి పోస్టుకు రూ.1,000 చొప్పున ఆన్‌లైన్ పేమెంట్ ద్వారా చెల్లించాలి. ఒక అభ్యర్థి ఒకటి కంటే ఎక్కువ పోస్టులకు దరఖాస్తు చేయాలనుకుంటే, ఒకే దరఖాస్తులో ఆప్షన్ ఇవ్వవచ్చు కానీ అదనపు ప్రతి పోస్టుకూ విడిగా ఫీజు చెల్లించాలి.

దరఖాస్తు విధానం: ఆన్‌లైన్‌ ద్వారా.

ఆన్‌లైన్ దరఖాస్తులు ప్రారంభం: 11.11.2026

ఆన్‌లైన్ దరఖాస్తు, ఫీజు చెల్లింపునకు చివరి తేదీ: 30.11.2026

Website:https://tet2dsc.apcfss.in/

Copyright © 2026 Ushodaya Enterprises Pvt Ltd All Rights Reserved

  • Facebook
  • Twitter
  • YouTube
  • Instagram
  • Telegram