ఏపీ డీఎస్సీ-2026 స్పెషల్‌ ఎడ్యుకేషన్‌ నోటిఫికేషన్

ఏపీ డీఎస్సీ-2026 స్పెషల్‌ ఎడ్యుకేషన్‌ నోటిఫికేషన్

ఆంధ్రప్రదేశ్ ప్రభుత్వం, పాఠశాల విద్యాశాఖ ఆంధ్రప్రదేశ్ ఉపాధ్యాయ నియామక పరీక్ష (APTRT-2026) కోసం నోటిఫికేషన్‌ను విడుదల చేసింది. ఈ నోటిఫికేషన్ ద్వారా ప్రభుత్వ, జిల్లా పరిషత్, మండల పరిషత్, మున్సిపాలిటీ, మున్సిపల్ కార్పొరేషన్ పాఠశాలల్లో స్కూల్ అసిస్టెంట్ (స్పెషల్ ఎడ్యుకేషన్), సెకండరీ గ్రేడ్ టీచర్ (స్పెషల్ ఎడ్యుకేషన్) పోస్టులకు ఆన్‌లైన్ దరఖాస్తులు ఆహ్వానిస్తోంది.

వివరాలు:

మొత్తం ఖాళీల సంఖ్య: 350 పోస్టులు

స్కూల్ అసిస్టెంట్ (స్పెషల్ ఎడ్యుకేషన్): 150

సెకండరీ గ్రేడ్ టీచర్ (స్పెషల్ ఎడ్యుకేషన్): 200

అర్హత: స్కూల్ అసిస్టెంట్ (స్పెషల్ ఎడ్యుకేషన్): యూజీసీ (UGC) గుర్తింపు పొందిన విశ్వవిద్యాలయం నుంచి కనీసం 50% మార్కులతో గ్రాడ్యుయేషన్ లేదా పోస్ట్ గ్రాడ్యుయేషన్ (ఎస్సీ, ఎస్టీ, బీసీ,దివ్యాంగులకు 40%) కలిగి ఉండాలి. దీనితో పాటు రిహాబిలిటేషన్ కౌన్సిల్ ఆఫ్ ఇండియా (RCI) గుర్తింపు పొందిన స్పెషల్ ఎడ్యుకేషన్‌లో బీఎడ్‌ లేదా తత్సమాన కోర్సు పూర్తి చేసి ఉండాలి. ఏపీ టెట్‌ పేపర్-IIబి లో అర్హత సాధించి ఉండాలి.
సెకండరీ గ్రేడ్ టీచర్ (స్పెషల్ ఎడ్యుకేషన్): ఏపీ బోర్డ్ ఆఫ్ ఇంటర్మీడియట్ ఎడ్యుకేషన్ నుంచి కనీసం 50% మార్కులతో (ఎస్సీ, ఎస్టీ, బీసీ, దివ్యాంగులకు 45%) ఇంటర్మీడియట్ లేదా తత్సమాన కోర్సు కలిగి ఉండాలి. ఆర్‌సీఐ గుర్తింపు పొందిన స్పెషల్ ఎడ్యుకేషన్‌లో బీఎడ్‌/డిప్లొమా ఇన్‌ ఎలిమెంటరీ ఎడ్యుకేషన్‌ (D.El.Ed) లేదా తత్సమాన డిప్లొమా పూర్తి చేసి ఉండాలి. అభ్యర్థులు ఆర్‌సీఐ సీఆర్‌ఆర్‌ నంబర్‌ను కలిగి ఉండడంతో పాటు ఏపీ టెట్‌ పేపర్-Iబి లో ఉత్తీర్ణులై ఉండాలి.

వయో పరిమితి: 01/07/2026 నాటికి 18 నుంచి 44 సంవత్సరాల మధ్య ఉండాలి.

వయోసడలింపు: ఎస్సీ, ఎస్టీ, బీసీ, ఈడబ్ల్యూఎస్‌ అభ్యర్థులకు: గరిష్ఠంగా 49 సంవత్సరాలు. దివ్యాంగులకు గరిష్ఠంగా 54 సంవత్సరాలు. మాజీ సైనికోద్యోగులకు సాయుధ బలగాలలో అందించిన సేవాకాలంతో పాటు అదనంగా 3 సంవత్సరాలు మినహాయింపు ఉంటుంది.

ఎంపిక విధానం: మొత్తం 100 మార్కులకు గాను, కంప్యూటర్ ఆధారిత పరీక్ష (CBT)కి 80% మార్కులు (80 మార్కులు) ఏపీ టెట్‌ స్కోరుకు 20% వెయిటేజీ ఉంటుంది. ఐఈఆర్టీఎస్ (IERTS), ఐఈడీఎస్ఎస్ (IEDSS), కేజీబీవీలలో పనిచేస్తున్న అర్హులైన ఉపాధ్యాయులకు ప్రతి పూర్తి సంవత్సరానికి 0.5 మార్కుల చొప్పున గరిష్టంగా 5 మార్కుల వరకు సేవా వెయిటేజీ వర్తిస్తుంది.

కనీస అర్హత మార్కులు: ఓసీ & ఈడబ్ల్యూఎస్‌ 40%, వెనుకబడిన తరగతులు (బీసీ-ఏ, బీ, సీ, డీ, ఈ): 35%, ఎస్సీ/ఎస్టీ/దివ్యాంగులు 30%.

దరఖాస్తు ఫీజు: ప్రతి పోస్టుకు రూ.1,000 చెల్లించాలి. ఒక అభ్యర్థి ఒకటి కంటే ఎక్కువ పోస్టులకు దరఖాస్తు చేయాలనుకుంటే, అదనపు ప్రతి పోస్టుకూ వేర్వేరుగా ఫీజు చెల్లించాలి.

ఆన్‌లైన్ దరఖాస్తులు ప్రారంభం: 11.11.2026

ఫీజు చెల్లింపు, దరఖాస్తుకు చివరి తేదీ: 30.11.2026

Website:https://tet2dsc.apcfss.in/

Copyright © 2026 Ushodaya Enterprises Pvt Ltd All Rights Reserved

  • Facebook
  • Twitter
  • YouTube
  • Instagram
  • Telegram