సీఐఎస్‌ఎఫ్‌లో పారా మెడికల్ స్టాఫ్ ఉద్యోగాలు

సెంట్రల్ ఇండస్ట్రియల్ సెక్యూరిటీ ఫోర్స్ (సీఐఎస్‌ఎఫ్‌) పారా మెడికల్ స్టాఫ్ విభాగంలో తాత్కాలిక ప్రాతిపదికన కింది పోస్టుల భర్తీకి అర్హులైన భారతీయ పురుష, మహిళా అభ్యర్థుల నుంచి ఆన్‌లైన్ దరఖాస్తులను కోరుతోంది.

మొత్తం పోస్టులు: 24

వివరాలు:

1. ఏఎస్ఐ (ఫార్మసిస్ట్): 18

2. ఏఎస్‌ఐ (ఎక్స్-రే టెక్నీషియన్): 1 

3. ఏఎస్‌ఐ (ల్యాబ్ టెక్నీషియన్): 5 

విద్యార్హతలు: 

ఏఎస్‌ఐ (ఫార్మసిస్ట్): 10+2 ఉత్తీర్ణతతో పాటు ఫార్మసీలో డిప్లొమా/డిగ్రీ ఉండాలి. & ఫార్మసీ యాక్ట్ 1948 కింద ఫార్మసిస్ట్‌గా రిజిస్టర్ అయి ఉండాలి.  

ఏఎస్‌ఐ (ఎక్స్-రే టెక్నీషియన్): 10+2 ఉత్తీర్ణత & రేడియోగ్రఫీలో 2 ఏళ్ల డిప్లొమా ఉండాలి.  

ఏఎస్‌ఐ (ల్యాబ్ టెక్నీషియన్): సైన్స్‌తో 10+2 ఉత్తీర్ణత & మెడికల్ ల్యాబొరేటరీ టెక్నాలజీలో 2 ఏళ్ల డిప్లొమా ఉండాలి.  

వయోపరిమితి: అభ్యర్థుల వయస్సు 18 నుంచి 28 ఏళ్ల మధ్య ఉండాలి. (కటాఫ్ తేదీ: 07/07/2026). నిబంధనల ప్రకారం ఎస్సీ/ఎస్టీ అభ్యర్థులకు 5 ఏళ్లు, ఓబీసీ అభ్యర్థులకు 3 ఏళ్ల సడలింపు ఉంటుంది.  

జీతం: నెలకు రూ.29,200 నుంచి రూ.92,300. & ఇతర భత్యాలు వర్తిస్తాయి.

దరఖాస్తు విధానం: సీఐఎస్‌ఎఫ్‌ అధికారిక వెబ్‌సైట్ https://cisfrectt.cisf.gov.in ద్వారా ఆన్‌లైన్‌లో మాత్రమే దరఖాస్తు చేసుకోవాలి.  

దరఖాస్తు రుసుము: జనరల్, ఈడబ్ల్యూఎస్‌, ఓబీసీ అభ్యర్థులకు రూ.100. మహిళలు, ఎస్సీ, ఎస్టీ, ఈఎస్‌ఎం అభ్యర్థులకు ఫీజు నుంచి మినహాయింపు కలదు.

ఎంపిక ప్రక్రియ: రాత పరీక్ష (OMR/CBT), ఫిజికల్ స్టాండర్డ్ టెస్ట్ (PST), డాక్యుమెంటేషన్, బేసిక్ వోకేషనల్ ఆప్టిట్యూడ్ టెస్ట్ (BVAT) & వైద్య పరీక్షల ఆధారంగా ఎంపిక చేస్తారు.  

పరీక్ష విధానం: 100 మార్కులకు ఆబ్జెక్టివ్ టైప్ రాత పరీక్ష ఉంటుంది. పరీక్షా సమయం రెండు గంటలు. ప్రశ్నలు హిందీ & ఇంగ్లీష్ భాషల్లో ఉంటాయి. నెగటివ్ మార్కింగ్ లేదు.  

పరీక్ష కేంద్రాలు: దరఖాస్తు సమర్పించిన ప్రాంతాల వారీగా కేటాయించిన రిక్రూట్‌మెంట్ సెక్టార్ కేంద్రాల్లో పరీక్షలు నిర్వహిస్తారు.  

దరఖాస్తు ప్రారంభ తేదీ: 08/06/2026.  

చివరి తేదీ: 07/07/2026 (రాత్రి 23:59 గంటల వరకు).  

Website:https://cisfrectt.cisf.gov.in/