ఆటకు సైనా వీడ్కోలు

భారత మహిళల బ్యాడ్మింటన్‌కు మార్గదర్శిగా నిలిచి ఎన్నో అత్యుత్తమ విజయాలు అందుకున్న సైనా నెహ్వాల్‌ 2026, జనవరి 19న ఆటకు వీడ్కోలు పలికింది. చైనా ఆధిపత్యానికి గండి కొట్టి బ్యాడ్మింటన్‌లో అత్యున్నత శిఖరాలకు చేరింది. గత కొన్నేళ్లుగా సైనా ఆటకు దూరంగానే ఉంది. ఆమె చివరగా 2023లో సింగపూర్‌ ఓపెన్‌లో ఆడింది. మోకాళ్ల సమస్యే తన వీడ్కోలు నిర్ణయానికి కారణమని ఆమె తెలిపింది.
విశేషాలు:
2012 లండన్‌ ఒలింపిక్స్‌లో కాంస్యం గెలిచి ఈ ఘనత సాధించిన తొలి భారత షట్లర్‌గా చరిత్ర సృష్టించింది. ప్రపంచ ఛాంపియన్‌షిప్, సూపర్‌ సిరీస్‌లలో అంతకుముందెప్పుడూ చూడని విజయాలు భారత్‌ సొంతమయ్యాయంటే సైనానే కారణం.
2009లో అర్జున అవార్డు పొందిన సైనా.. 2010లో అత్యున్నత క్రీడా పురస్కారం ఖేల్‌రత్న సొంతం చేసుకుంది.
ఒలింపిక్స్‌తో పాటు బీడబ్ల్యూఎఫ్‌ మేజర్‌ టోర్నీలైన ప్రపంచ ఛాంపియన్‌షిప్, ప్రపంచ జూనియర్‌ ఛాంపియన్‌షిప్‌లో కనీసం ఒక పతకం సాధించిన తొలి భారత ప్లేయర్‌ సైనానే.

మరిన్ని కరెంట్ అఫైర్స్

విజయ్‌ హజారే

దేశవాళీ వన్డే టోర్నీ విజయ్‌ హజారే ట్రోఫీని విదర్భ తొలిసారి కైవసం చేసుకుంది. 2026, జనవరి 18న బెంగళూరులో జరిగిన ఫైనల్లో విదర్భ 38 పరుగుల తేడాతో సౌరాష్ట్రపై గెలిచింది. ...

భారత 92వ గ్రాండ్‌మాస్టర్‌

దిల్లీకి చెందిన 21 ఏళ్ల ఆర్యన్‌ వర్ష్‌నే గ్రాండ్‌మాస్టర్‌ హోదా సొంతం చేసుకున్న భారత 92వ ఆటగాడిగా నిలిచాడు. ...

మహిళల హాకీ జట్టు కోచ్‌గా మరైన్‌

భారత మహిళల హాకీ జట్టు కోచ్‌గా షూవర్డ్‌ మరైన్‌ (నెదర్లాండ్స్‌) మళ్లీ నియమితుడయ్యాడు. 2020 టోక్యో ఒలింపిక్స్‌లో నాలుగో స్థానంలో నిలిచిన భారత జట్టుకు మరైన్‌ కోచ్‌గా ఉన్నాడు. ...

బ్లిట్జ్‌ టోర్నీ

ప్రపంచ ర్యాపిడ్‌ ఛాంపియన్‌షిప్‌లో కాంస్యం గెలిచిన తెలంగాణ కుర్రాడు అర్జున్‌ ఇరిగేశి.. బ్లిట్జ్‌ విభాగంలోనూ కంచు పతకం నెగ్గి ‘డబుల్‌’ సాధించాడు. విశ్వనాథన్‌ ఆనంద్‌ (2017) తర్వాత ఒకే టోర్నీలో రెండు విభాగాల్లో పతకాలు గెలిచిన ఘనత అర్జున్‌దే. ...

ప్రపంచ ర్యాపిడ్‌ చెస్‌

తెలుగు గ్రాండ్‌మాస్టర్లు కోనేరు హంపి, అర్జున్‌ ఇరిగేశి ఫిడే ప్రపంచ ర్యాపిడ్‌ చెస్‌లో కాంస్య పతకాలు సాధించారు. మహిళల విభాగంలో డిఫెండింగ్‌ ఛాంపియన్‌గా బరిలో దిగిన హంపి.. మూడో స్థానంలో నిలిచింది. ...

బీడబ్ల్యూఎఫ్‌ అథ్లెట్ల కమిషన్‌ ఛైర్‌పర్సన్‌గా సింధు

రెండుసార్లు ఒలింపిక్‌ పతక విజేత పీవీ సింధు బీడబ్ల్యూఎఫ్‌ అథ్లెట్ల కమిషన్‌ ఛైర్‌పర్సన్‌ (2026-29)గా ఎన్నికైంది. ఆమె బీడబ్ల్యూఎఫ్‌ కౌన్సిల్‌ సభ్యురాలిగా కూడా ఉంటుంది. సింధు 2020 నుంచి బీడబ్ల్యూఎఫ్‌ ఇంటిగ్రిటీ రాయబారిగా ఉంటోంది....