అంతర్జాతీయ పౌర విమానయాన దినోత్సవం

అంతర్జాతీయ పౌర విమానయాన సంస్థ (ఐసీఏఓ) స్థాపనకు గుర్తుగా ఏటా డిసెంబరు 7న ‘అంతర్జాతీయ పౌర విమానయాన దినోత్సవం’గా (International Civil Aviation Day) నిర్వహిస్తారు. దేశాల సామాజిక, ఆర్థిక అభివృద్ధిలో అంతర్జాతీయ పౌర విమానయానం పాత్రను తెలియజేయడంతోపాటు సురక్షిత గగనతల రవాణాను ప్రోత్సహించడం ఈ రోజు ముఖ్య ఉద్దేశం.

గణాంకాలు

• ప్రపంచవ్యాప్తంగా విమాన ప్రయాణికుల రద్దీ గురించి ఎయిర్‌పోర్ట్స్‌ కౌన్సిల్‌ ఇంటర్నేషనల్‌ (ఏసీఐ) వరల్డ్‌ 2025, సెప్టెంబరులో ‘వరల్డ్‌ ఎయిర్‌ ట్రాఫిక్‌ రిపోర్ట్‌ (డబ్ల్యూటీఆర్‌)’ పేరుతో ఒక నివేదిక విడుదల చేసింది. దీని ప్రకారం -
• 2024లో మొత్తం విమాన ప్రయాణికుల రద్దీ (passenger traffic) 9.4 బిలియన్లకు చేరుకుంది. ఇది 2025లో 9.8 బిలియన్లుగా ఉంటుందని అంచనా. 

భారత్‌లో విమానయాన రంగం

• 1911, ఫిబ్రవరి 18న మనదేశంలో మొట్టమొదటి వాయురవాణా ప్రారంభమైంది.  
• 1912లో మొదటి అంతర్జాతీయ విమానం లండన్‌ - కరాచీ - దిల్లీ మధ్య ప్రారంభమైంది. 1922లో దేశీయ విమాన సర్వీసులు మొదలయ్యాయి.
• 1928లో మొదటి విమానాశ్రయాన్ని బొంబాయి సమీపంలోని జూహు వద్ద ఏర్పాటు చేశారు. 
• 1953లో వాయురవాణాను జాతీయం చేశారు. దేశీయ సర్వీసుల కోసం ఇండియన్‌ ఎయిర్‌లైన్స్‌ను, ఇంటర్నేషనల్‌ సర్వీసుల కోసం ఎయిర్‌ ఇండియాను ఏర్పాటు చేశారు.
• 1991లో భారతీయ విమాన రంగంపై ప్రభుత్వం క్రమబద్ధీకరణ తొలగించారు. ప్రైవేట్‌ రంగంలో విమాన ప్రయాణాలు ప్రారంభమయ్యాయి.

చారిత్రక నేపథ్యం

• 1944 నాటికి అంతర్జాతీయ పౌర విమానయాన సంస్థ (ఐసీఏఓ) ఏర్పడి 50 ఏళ్లు అవుతున్న సందర్భంగా ఏటా డిసెంబరు 7న ‘అంతర్జాతీయ పౌర విమానయాన దినోత్సవం’గా జరపాలని ఐసీఏఓ సభ్య దేశాలు తీర్మానించాయి. అప్పటి నుంచి ప్రతి సంవత్సరం దీన్ని నిర్వహిస్తున్నారు. ఐక్యరాజ్యసమితి జనరల్‌ అసెంబ్లీ 1996లో ఈ దినోత్సవాన్ని అధికారికంగా గుర్తించింది.