ముగిసిన పత్తి సీజన్‌

తెలంగాణలో 2025-26 పత్తి సీజన్‌ ముగిసింది. 2024-25 సీజన్‌తో పోలిస్తే 4.17 లక్షల టన్నులు తక్కువగా వచ్చింది. రాష్ట్రవ్యాప్తంగా 2025 అక్టోబరులో పత్తి సీజన్‌ ప్రారంభం కాగా.. 2026 ఫిబ్రవరి 28తో ముగిసింది. 336 కేంద్రాల్లో 8,91,420 మంది రైతులు 16,34,219.80 టన్నుల పత్తిని సీసీఐకి విక్రయించారు.
2024-25తో పోలిస్తే ఈసారి పత్తి విస్తీర్ణం 1.31 లక్షల ఎకరాలకు పెరిగిందని వ్యవసాయశాఖ వెల్లడించింది. దీనికి అనుగుణంగా ఉత్పత్తిని సైతం నిరుటి కంటే 2.84 లక్షల టన్నులు ఎక్కువగా ఉంటుందని అంచనా వేశారు. దీనికి అనుగుణంగా కొనుగోలు కేంద్రాలను మరో 34కు పెంచారు. తీరా కొనుగోళ్ల వరకు వచ్చే సరికి నిరుటి కంటే 4,17,187 టన్నులు తక్కువగా వచ్చింది. పత్తిని సీసీఐకి విక్రయించిన రైతుల సంఖ్య సైతం 29,796 తగ్గింది. కొనుగోళ్ల విలువ సైతం 2,238.76 కోట్ల మేరకు తగ్గింది.

మరిన్ని కరెంట్ అఫైర్స్

ప్రతిభా ‘పురస్కారం’

తెలంగాణలోని యాదాద్రి భువనగిరి జిల్లా చౌటుప్పల్‌ మండలం కొయ్యలగూడేనికి చెందిన చేనేత మహిళ వర్కాల విజయలక్ష్మికి అత్యున్నత ప్రతిభా పురస్కారం దక్కింది. కేంద్ర టెక్స్‌టైల్‌ మంత్రి గిరిరాజ్‌సింగ్‌ చేతులమీదుగా ఆమె 2026, ఫిబ్రవరి 23న దిల్లీలో అందుకున్నారు....

జీహెచ్‌ఎంసీ పరిధిని మూడు కార్పొరేషన్లుగా

తెలంగాణ రాష్ట్ర రాజధాని హైదరాబాద్‌ మహా నగరంలో కొత్త పరిపాలన వ్యవస్థ ఆరంభమైంది. జీహెచ్‌ఎంసీ పరిధిని మూడు కార్పొరేషన్లుగా ఏర్పాటు చేస్తూ రాష్ట్ర ప్రభుత్వం 2026, ఫిబ్రవరి 11న ఉత్తర్వులు జారీ చేసింది. ...

జీనోమ్‌ వ్యాలీ ఎక్స్‌లెన్స్‌ పురస్కారం

ప్రతిష్ఠాత్మక ‘జీనోమ్‌ వ్యాలీ ఎక్స్‌లెన్స్‌-2026’ పురస్కారం, ప్రముఖ శాస్త్రవేత్త డాక్టర్‌ బ్రూస్‌ లెవిన్‌కు దక్కింది. 2026, ఫిబ్రవరి 17, 18 తేదీల్లో హైదరాబాద్‌ వేదికగా ‘టెక్‌ బయో అన్‌షీల్డ్‌: ఏఐ ఆటోమేషన్‌-బయాలజీ రివల్యూషన్‌’ అనే థీమ్‌తో ‘బయో ఆసియా సదస్సు-2026’ నిర్వహించేందుకు తెలంగాణ ప్రభుత్వం ఏర్పాట్లు చేస్తోంది....

తెలంగాణలో రైతుల స్థితి

సిచ్యుయేషన్‌ అసెస్‌మెంట్‌ సర్వే ప్రకారం 2018-19 వ్యవసాయ సీజన్‌లో తెలంగాణలోని 91.7% వ్యవసాయ కుటుంబాలు అప్పుల ఊబిలో ఉన్నట్లు కేంద్ర వ్యవసాయశాఖ సహాయమంత్రి రామ్‌నాథ్‌ఠాకూర్‌ 2026, ఫిబ్రవరి 3న లోక్‌సభలో తెలిపారు....