జీహెచ్‌ఎంసీ పరిధిని మూడు కార్పొరేషన్లుగా

తెలంగాణ రాష్ట్ర రాజధాని హైదరాబాద్‌ మహా నగరంలో కొత్త పరిపాలన వ్యవస్థ ఆరంభమైంది. జీహెచ్‌ఎంసీ పరిధిని మూడు కార్పొరేషన్లుగా ఏర్పాటు చేస్తూ రాష్ట్ర ప్రభుత్వం 2026, ఫిబ్రవరి 11న ఉత్తర్వులు జారీ చేసింది. ఆ వెంటనే కార్పొరేషన్లకు కమిషనర్ల నియామకం, మూడింటికీ ప్రత్యేక అధికారి నియామకం, పరిపాలన వ్యవహారాలకు సంబంధించిన పలు ఉత్తర్వులను విడుదల చేసింది. ప్రస్తుత కమిషనర్‌ ఆర్వీ కర్ణన్‌ నూతన జీహెచ్‌ఎంసీ పగ్గాలు చేపట్టారు. సైబరాబాద్‌ నగరపాలక సంస్థ(సీఎంసీ) కమిషనర్‌గా జి.సృజన హైటెక్‌సిటీలోని న్యాక్‌ భవన సముదాయంలో ఏర్పాటు చేసిన మున్సిపల్‌ ఆఫీసులో బాధ్యతలు స్వీకరించారు. తార్నాక చౌరస్తాలోని పాత హెచ్‌ఎండీఏ భవనంలో ఏర్పాటైన మల్కాజిగిరి నగరపాలక సంస్థ(ఎంఎంసీ) కార్యాలయంలో టి.వినయ్‌కృష్ణారెడ్డి బాధ్యతలు తీసుకున్నారు.
2026, ఫిబ్రవరి 10తో గ్రేటర్‌ హైదరాబాద్‌ పాలకమండలి గడువు పూర్తయినందున... మేయర్‌ స్థానంలో స్పెషల్‌ ఆఫీసర్‌గా పురపాలకశాఖ ప్రత్యేక ప్రధాన కార్యదర్శి జయేశ్‌రంజన్‌ మూడు కార్యాలయాలకు వెళ్లి బాధ్యతలు తీసుకున్నారు.

మరిన్ని కరెంట్ అఫైర్స్

ప్రతిభా ‘పురస్కారం’

తెలంగాణలోని యాదాద్రి భువనగిరి జిల్లా చౌటుప్పల్‌ మండలం కొయ్యలగూడేనికి చెందిన చేనేత మహిళ వర్కాల విజయలక్ష్మికి అత్యున్నత ప్రతిభా పురస్కారం దక్కింది. కేంద్ర టెక్స్‌టైల్‌ మంత్రి గిరిరాజ్‌సింగ్‌ చేతులమీదుగా ఆమె 2026, ఫిబ్రవరి 23న దిల్లీలో అందుకున్నారు....

జీనోమ్‌ వ్యాలీ ఎక్స్‌లెన్స్‌ పురస్కారం

ప్రతిష్ఠాత్మక ‘జీనోమ్‌ వ్యాలీ ఎక్స్‌లెన్స్‌-2026’ పురస్కారం, ప్రముఖ శాస్త్రవేత్త డాక్టర్‌ బ్రూస్‌ లెవిన్‌కు దక్కింది. 2026, ఫిబ్రవరి 17, 18 తేదీల్లో హైదరాబాద్‌ వేదికగా ‘టెక్‌ బయో అన్‌షీల్డ్‌: ఏఐ ఆటోమేషన్‌-బయాలజీ రివల్యూషన్‌’ అనే థీమ్‌తో ‘బయో ఆసియా సదస్సు-2026’ నిర్వహించేందుకు తెలంగాణ ప్రభుత్వం ఏర్పాట్లు చేస్తోంది....

తెలంగాణలో రైతుల స్థితి

సిచ్యుయేషన్‌ అసెస్‌మెంట్‌ సర్వే ప్రకారం 2018-19 వ్యవసాయ సీజన్‌లో తెలంగాణలోని 91.7% వ్యవసాయ కుటుంబాలు అప్పుల ఊబిలో ఉన్నట్లు కేంద్ర వ్యవసాయశాఖ సహాయమంత్రి రామ్‌నాథ్‌ఠాకూర్‌ 2026, ఫిబ్రవరి 3న లోక్‌సభలో తెలిపారు....