ఇండియన్ నేవీ ఎస్‌ఎస్‌ఆర్‌ (మెడికల్) పోస్టులు 

ఇండియన్ నేవీ అవివాహిత పురుష అభ్యర్థుల నుంచి  సీనియర్‌ సెకండరీ రిక్రూట్‌మెంట్‌ ఇన్‌ మెడికల్ బ్రాంచ్‌లో సెయిలర్ల (SSR (Med)) పోస్టుల భర్తీకి 02/2027 బ్యాచ్‌ కోసం ఆన్‌లైన్ దరఖాస్తులను ఆహ్వానిస్తోంది. 

వివరాలు

సెయిలర్ - సీనియర్ సెకండరీ రిక్రూట్స్ (మెడికల్ బ్రాంచ్).

అర్హత: అభ్యర్థులు ఫిజిక్స్, కెమిస్ట్రీ, బయాలజీ సబ్జెక్టులతో 10+2 పరీక్షలో ఉత్తీర్ణులై ఉండాలి. ప్రతి సబ్జెక్టులో కనీసం 40% మార్కులు సాధించి ఉండాలి. మొత్తంగా కనీసం 50% మార్కులు కలిగి ఉండాలి. 2025-26 విద్యా సంవత్సరంలో 12వ తరగతి పరీక్షలకు హాజరయ్యే వారు కూడా దరఖాస్తు చేసుకోవచ్చు.

ఎత్తు: పురుష అభ్యర్థులు కనీసం 157 సెంటీమీటర్ల ఎత్తు ఉండాలి.

శారీరక ప్రమాణాలు: 1.6 కి.మీ పరుగును 6 నిమిషాల 30 సెకన్లలో పూర్తి చేయాలి, 20 స్క్వాట్స్, 15 పుష్-అప్స్, 15 సిట్-అప్స్ చేయాలి.

ఎన్‌సీసీ అభ్యర్థులు: NCC ‘C’ సర్టిఫికేట్ ఉన్నవారికి స్టేజ్-I (INET) నుంచి మినహాయింపు ఉంటుంది; వారు నేరుగా స్టేజ్-IIకి వెళ్తారు. సర్వీస్ కాలం ప్రారంభ నియామకం 20 సంవత్సరాల కాలానికి ఉంటుంది.

వయోపరిమితి: అభ్యర్థులు 01 మే 2005 నుంచి 31 అక్టోబర్ 2009 మధ్య జన్మించి ఉండాలి (ఈ రెండు తేదీలతో కలిపి)

జీతభత్యాలు: శిక్షణ సమయంలో నెలకు రూ.14,600 స్టైపెండ్ లభిస్తుంది. శిక్షణ తర్వాత డిఫెన్స్ పే మేట్రిక్స్ లెవల్ 3 ప్రకారం రూ.21,700- రూ.69,100.(+ఇతర అలవెన్సులు)

ఎంపిక విధానం: స్టేజ్-I (INET): ఇది 100 మార్కులకు నిర్వహించే కంప్యూటర్ ఆధారిత పరీక్ష. ఇందులో ఇంగ్లిష్, సైన్స్, బయాలజీ, జనరల్ అవేర్‌నెస్ విభాగాలు ఉంటాయి. తప్పు సమాధానానికి 0.25 నెగటివ్ మార్కింగ్ ఉంటుంది.

స్టేజ్-II: INETలో షార్ట్‌లిస్ట్ అయిన వారికి ఫిజికల్ ఫిట్‌నెస్ టెస్ట్ (PFT), రాత పరీక్ష, మెడికల్ ఎగ్జామినేషన్ నిర్వహిస్తారు. 

దరఖాస్తు విధానం: అభ్యర్థులు www.joinindiannavy.gov.in వెబ్‌సైట్ ద్వారా ఆన్‌లైన్‌లో మాత్రమే దరఖాస్తు చేసుకోవాలి. దరఖాస్తు సమయంలో ఒరిజినల్ సర్టిఫికెట్లు స్కాన్ చేసి అప్‌లోడ్ చేయాలి. పేరు, ఫోటో తీసిన తేదీ రాసిన నల్లటి స్లేటును పట్టుకుని దిగిన ఫోటోను అప్‌లోడ్ చేయడం తప్పనిసరి.

దరఖాస్తు రుసుము: రూ.550+జీఎస్‌టీ.

ముఖ్యమైన తేదీలు:

దరఖాస్తు ప్రారంభం: 14.03.2026.

దరఖాస్తు చివరి తేదీ: 06.04.2026.

INET పరీక్ష: మే 2026.

Website: https://www.joinindiannavy.gov.in/