ఇండియన్ నేవీలో అగ్నివీర్ (ఎస్‌ఎస్‌ఆర్‌) పోస్టులు 

భారత నౌకాదళంలో అగ్నివీర్ పోస్టుల నియామకానికి ప్రకటన వెలువడింది. ఈ నోటిఫికేషన్ ద్వారా 01/2027, 02/2027 బ్యాచ్‌లకు అగ్నివీర్ (సీనియర్‌ సెకండరీ రిక్రూట్‌) పోస్టుల భర్తీకి అవివాహిత పురుష, మహిళా అభ్యర్థుల నుంచి దరఖాస్తులను ఆహ్వానిస్తోంది. ఇండియన్‌ నేవీ ఎంట్రన్స్‌ టెస్ట్‌(ఐనెట్‌) ఆధారంగా అభ్యర్థుల ఎంపిక ఉంటుంది.

వివరాలు:

అగ్నివీర్ (సీనియర్ సెకండరీ రిక్రూట్- ఎస్‌ఎస్‌ఆర్‌)

అర్హత: కనీసం 50 శాతం మార్కులతో గుర్తింపు పొందిన బోర్డు నుంచి గణితం, ఫిజిక్స్‌ సబ్జెక్టులతో 10+2, మెకానికల్‌, ఎలక్ట్రికల్‌ వంటి విభాగాల్లో మూడేళ్ల ఇంజినీరింగ్‌ డిప్లొమా లేదా ఫిజిక్స్, మ్యాథ్స్ సబ్జెక్టులతో రెండేళ్ల వొకేషనల్ కోర్సు (50% మార్కులతో) చేసిన వారు కూడా అర్హులు. అభ్యర్థులు కేవలం అవివాహితులు అయి ఉండాలి.

వయోపరిమితి: 01/2027 బ్యాచ్: 01 డిసెంబర్ 2004 నుంచి 31 మే 2009 మధ్య జన్మించి ఉండాలి.

02/2027 బ్యాచ్: 01 మే 2005 నుంచి 31 అక్టోబర్ 2009 మధ్య జన్మించి ఉండాలి.

కనిష్ఠ ఎత్తు ప్రమాణాలు: పురుషులు, మహిళలు కనీసం 157 సెం.మీ. ఎత్తు ఉండాలి.

ఎంపిక ప్రక్రియ: అప్లికేషన్‌ షార్ట్‌లిస్టింగ్, స్టేజ్‌-1 (ఇండియన్‌ నేవీ ఎంట్రన్స్‌ టెస్ట్‌), స్టేజ్‌-2 (రాత పరీక్ష, శారీరక దార్ఢ్య పరీక్ష- పీఎఫ్‌టీ), వైద్య పరీక్షల ఆధారంగా ఎంపిక చేస్తారు.

శిక్షణ: అగ్నివీరులుగా ఎంపికైన అభ్యర్థులకు ఒడిశా రాష్ట్రంలోని ఐఎన్‌ఎస్‌ చిల్కాలో 01/2027 బ్యాచ్‌కుకు డిసెంబర్‌ 2026లో, 02/2027 బ్యాచ్‌కు మే 2027లో కోర్సు శిక్షణ ప్రారంభమవుతుంది. శిక్షణ విజయవంతంగా పూర్తి చేసుకున్న తర్వాత ఆయా విభాగాల్లో విధులు నిర్వర్తించాల్సి ఉంటుంది.

జీత భత్యాలు: ఎంపికైన అభ్యర్థులకు మొదటి సంవత్సరం నెలకు రూ.30,000 ప్యాకేజీ ఉంటుంది. దీనికి ఏటా నిర్ణీత ఇంక్రిమెంట్ ఉంటుంది.

అభ్యర్థికి చేతికి 70% జీతం అందుతుంది, మిగిలిన 30% అగ్నివీర్ కార్పస్ ఫండ్‌కు వెళ్తుంది. నాలుగు ఏళ్ల తర్వాత 'సేవా నిధి' కింద ప్రభుత్వం ఇచ్చే వాటాతో కలిపి మొత్తం సుమారు రూ.10.04 లక్షలు అందుతాయి.

కంప్యూటర్ ఆధారిత పరీక్ష: ప్రశ్నపత్రం హిందీ/ ఇంగ్లిష్ భాషల్లో మొత్తం 50 బహుళైచ్ఛిక ప్రశ్నలతో ఒక్కొక్కటి 1 మార్కు చొప్పున 100 మార్కులను కలిగి ఉంటుంది. ఇంగ్లిష్, సైన్స్, మ్యాథమెటిక్స్, జనరల్ అవేర్‌నెస్ నాలుగు విభాగాల్లో నుంచి ప్రశ్నలుంటాయి. పరీక్ష వ్యవధి ఒక గంట. పరీక్షలో ప్రతి తప్పు సమాధానానికి 0.25 నెగటివ్ మార్కింగ్ ఉంటుంది. 

స్టేజ్ II: ఫిజికల్ ఫిట్‌నెస్ టెస్ట్ (PFT), రాత పరీక్ష, మెడికల్ ఎగ్జామినేషన్ ఉంటాయి. పురుష, మహిళా అభ్యర్థుల కనీస ఎత్తు 157 సెం.మీ ఉండాలి.

దరఖాస్తు ఫీజు: రూ.550.

దరఖాస్తు విధానం: అభ్యర్థులు నేవీ అధికారిక వెబ్‌సైట్‌లో దరఖాస్తు చేసుకోవాలి.

ముఖ్య తేదీలు..

ఆన్‌లైన్ దరఖాస్తు, ఫీజు చెల్లింపు ప్రారంభం: 14.03.2026.

ఆన్‌లైన్ దరఖాస్తు, ఫీజు చెల్లింపు చివరి తేదీ: 06.04.2026.

స్టేజ్‌1 ఇండియన్‌ నేవీ ఎంట్రన్స్‌ టెస్ట్‌: మే 2026లో ఉండవచ్చు.

Website: https://www.joinindiannavy.gov.in/