ఇర్కాన్‌లో వర్క్స్‌ ఇంజినీర్ ఉద్యోగాలు

రైల్వే మంత్రిత్వ శాఖ పరిధిలోని నవరత్న ప్రభుత్వ రంగ సంస్థ అయిన ఇర్కాన్ ఇంటర్నేషనల్ లిమిటెడ్ (ఇర్కాన్‌), కాంట్రాక్ట్ ప్రాతిపదికన 'వర్క్స్ ఇంజనీర్' పోస్టుల భర్తీకి దరఖాస్తులను కోరుతోంది. 

వివరాలు:

వర్క్స్‌ ఇంజినీర్‌(సివిల్‌/ఎలక్ట్రికల్/ఎస్‌ అండ్ టీ): 13

విద్యార్హత: సంబంధిత ఇంజనీరింగ్ విభాగంలో కనీసం 60% మార్కులతో ఫుల్ టైమ్ గ్రాడ్యుయేట్ డిగ్రీ ఉత్తీర్ణత ఉండాలి.

అనుభవం: సంబంధిత ఫీల్డ్‌లో కనీసం ఒక ఏడాది అనుభవం ఉండాలి.

వయోపరిమితి: గరిష్టంగా 30 ఏళ్లు (01.02.2026 నాటికి). ప్రభుత్వ నిబంధనల ప్రకారం వయో సడలింపు ఉంటుంది.

వేతనం: నెలకు రూ.36,000 స్థిర వేతనంతో పాటు ప్రతి ఏటా 5% ఇంక్రిమెంట్ ఉంటుంది.

దరఖాస్తు విధానం:

అభ్యర్థులు ముందుగా www.ircon.org వెబ్‌సైట్ ద్వారా ఆన్‌లైన్‌లో దరఖాస్తు చేసుకోవాలి. ఆ తర్వాత దరఖాస్తు ఫారాన్ని ప్రింట్ తీసి, దానికి గెజిటెడ్ సంతకం ఉన్న అవసరమైన ధృవపత్రాల కాపీలను జతచేసి, న్యూదిల్లీలోని ఇర్కాన్ కార్పొరేట్ కార్యాలయానికి (JGM/HRM, IRCON International Limited, Saket, New Delhi) పోస్ట్ ద్వారా పంపాలి. రాత పరీక్ష లేదా ఇంటర్వ్యూ ద్వారా ఎంపిక ప్రక్రియ ఉంటుంది.

ముఖ్యమైన తేదీలు:

ఆన్‌లైన్ దరఖాస్తు ప్రారంభం: 18.02.2026.

ఆన్‌లైన్ దరఖాస్తుకు చివరి తేదీ: 13.03.2026.

హార్డ్ కాపీ సమర్పించడానికి చివరి తేదీ: 20.03.2026.

Website:https://ircon.org/career-ircon/contract-employment