ఆర్‌ఎల్‌డీఏలో ఇంజినీర్‌ ఉద్యోగాలు

భారత ప్రభుత్వ రైల్వే మంత్రిత్వ శాఖకు చెందిన రైల్ ల్యాండ్ డెవలప్‌మెంట్ అథారిటీ (ఆర్‌ఎల్‌డీఏ), దేశవ్యాప్తంగా ఉన్న తమ ప్రాజెక్టుల కోసం ఒప్పంద ప్రాతిపదికన సైట్ ఇంజనీర్ పోస్టుల భర్తీకి దరఖాస్తులను ఆహ్వానిస్తోంది.

వివరాలు:

సైట్‌ ఇంజినీర్‌ (ఎలక్ట్రికల్/సివిల్‌): 40

అర్హత: పోస్టులను అనుసరించి సంబంధిత విభాగంలో కనీసం 55 శాతం మార్కులతో (ఎస్సీ/ఎస్టసీ అభ్యర్థులకు 50 శాతం) సివిల్ లేదా ఎలక్ట్రికల్ ఇంజనీరింగ్‌లో బీఈ/బీటెక్‌ ఉత్తీర్ణత సాధించి ఉండాలి. పని అనుభవం ఉండాలి.

గరిష్ఠ వయోపరిమితి: మే 22, 2026 నాటికి గరిష్ఠంగా 45 ఏళ్లు మించకూడదు. ప్రభుత్వ నిబంధనల ప్రకారం వయోపరిమితిలో సడలింపులు ఉంటాయి.

ఎంపిక విధానం: అభ్యర్థుల విద్యార్హత మార్కులు, పని అనుభవం, చివరిగా అందుకున్న జీతం & ఇంటర్వ్యూ ఆధారంగా ఎంపిక ప్రక్రియ జరుగుతుంది. ప్రారంభంలో ఒక ఏడాది కాలానికి ఒప్పందం ఉంటుంది, పనితీరును బట్టి దీనిని పొడిగించే అవకాశం ఉంది.

వేతనం: నెలకు రూ.76,000.

దరఖాస్తు ప్రక్రియ: ఆన్‌లైన్‌ ఆధారంగా.

ఆన్‌లైన్‌ దరఖాస్తు స్వీకరణకు చివరి తేదీ: 2026 మే 22.

Website: https://rlda.indianrailways.gov.in/view_section.jsp?lang=0&id=0,298