ఐఐఎం ముంబయిలో బ్యాచిలర్ ఆఫ్ సైన్స్ ప్రవేశాలు

ఐఐఎం ముంబయి.. 2026-2030 విద్యా సంవత్సరానికి గాను కొత్తగా అండర్ గ్రాడ్యుయేట్ ప్రోగ్రామ్‌ను ప్రారంభించింది. ఈ కోర్సులో సాంకేతిక పరిజ్ఞానంతో (ఏఐ, డేటా సైన్స్) వ్యాపార నిర్వహణలో కావాల్సిన నైపుణ్యాల్లో ప్రావీణ్యం పొందేలా నాలుగు సంవత్సరాల పూర్తి స్థాయి రెసిడెన్షియల్ ప్రోగ్రామ్‌ను అందిస్తుంది. జేఈఈ మెయిన్‌ స్కోరుతో దరఖాస్తు చేసుకోవచ్చు. 

విభాగాలు:

డిజిటల్‌ సైన్స్‌: ఆర్టిఫిషియల్‌ ఇంటెలిజెన్స్‌ (ఏఐ), మెషీన్‌ లెర్నింగ్‌ (ఎంఎల్‌), డేటా సైన్స్, ఇంటర్నెట్‌ ఆఫ్‌ థింగ్స్‌ (ఐఓటీ), క్లౌడ్‌ కంప్యూటింగ్, సైబర్‌ సెక్యూరిటీ లాంటి ఆధునిక అంశాలు నేర్పిస్తారు.
బిజినెస్‌ మేనేజ్‌మెంట్‌: మార్కెటింగ్, ఫైనాన్స్, ఆపరేషన్స్, హ్యూమన్‌ రిసోర్సెస్, స్ట్రాటజీ లాంటి మేనేజ్‌మెంట్‌ పాఠాలు ఉంటాయి. 

అర్హత: అభ్యర్థులు గుర్తింపు పొందిన బోర్డు నుంచి 10+2 (ఇంటర్మీడియట్) లేదా తత్సమాన పరీక్షలో ఉత్తీర్ణులై ఉండాలి. 10+2 స్థాయిలో గణితం, ఫిజిక్స్ తప్పనిసరి సబ్జెక్టులుగా ఉండాలి. జనరల్/ఈడబ్ల్యూఎస్‌/ఓబీసీ అభ్యర్థులకు కనీసం 60% మార్కులు, ఎస్సీ/ఎస్టీ/దివ్యాంగ అభ్యర్థులకు కనీసం 55% మార్కులు ఉండాలి. 

వయోపరిమితి: ఆగస్టు 01, 2006న లేదా ఆ తర్వాత జన్మించి ఉండాలి.

ఎస్సీ/ఎస్టీ/దివ్యాంగ అభ్యర్థులకు 5 ఏళ్ల సడలింపు ఉంటుంది.

దరఖాస్తు రుసుము: జనరల్ అభ్యర్థులకు రూ.2,000, ఎస్సీ/ఎస్టీ/పీడబ్ల్యూబీడీ అభ్యర్థులకు రూ.1,000. ఎంపిక ప్రక్రియ జేఈఈ మెయిన్‌ పేపర్‌-1 2026 స్కోర్, పర్సనల్ ఇంటర్వ్యూ ఆధారంగా ఉంటుంది.

దరఖాస్తు విధానం: ఆన్‌లైన్‌ ద్వారా.

ఆన్‌లైన్‌ దరఖాస్తుకు చివరి తేదీ: జూన్‌ 15.

ఇంటర్వ్యూలు: జూన్‌ చివర్లో లేదా జులై ప్రారంభంలో. 

Website:https://iimmumbai.ac.in/admissions/